U.S.-bound passengers: Access to the U.S. Check-In Terminal is limited to 3 hours before departure as part of Gateway2030 construction measures to support a more efficient travel experience.
From November 3 to December 3, 2025, sections of Aruba Airport’s public parking will undergo solar panel maintenance, with the rest of the parking areas remaining open and accessible to all users.
Na Aeropuerto Internacional Reina Beatrix:
Airside Safety Week 2016 un exito!
ORANJESTAD – Tur anja tin 1 siman cu ta wordo dedica na e aspecto di “Safety” na Aeropuerto Internacional Reina Beatrix y Aruba Airport Authority N.V. (AAA) ta sumamente satisfecho cu e empleadonan cu ta labora na aeropuerto a atende e siman di Airside Safety Week den gran forma y demostra hopi interes pa e charlanan interesante y relevante pa nan trabou.Entre algun di e temanan por menciona “The other person operating the drone”, “Importance of Emergency response preparedness” y mas. E charlanan tin como meta pa sigura cu aeropuerto por mantene e nivel y cultura di safety riba airside na un grado acceptable segun e standardnan di ICAO.
Banda di e charlanan lo sera e Airside Safety Week cu e famoso FOD (Foreign Object Debris) Walk caminda tur empleado por hanja chens pa cana riba e pista di aeropuerto pa colecta cualkier material los cu por causa danjo na avion.
Airside Safety Week ta wordo organisa un biaha pa aña door di e Airside Safety Council cu ta wordo representa pa diferente compania (p.e aerolinea/fuel company) cu ta duna servicio na su cliente(nan) riba airside di aeropuerto. Tur e companianan aki tin e mesun pensamento y meta cual ta pa brinda e mihor na nan cliente, pero semper manteniendo e aspecto di safety riba rampa como prioridad.
AAA ta contento cu e participacion di e comunidad di aeropuerto y na mes momento ta gradici nan tambe pa nan esfuerso demostra pa hasi e di 11 edishon di Airside Safety Week asina exitoso. E ekipo hoben y dinamico a percura pa hasi Airside Safety Week un exito un biaha mas.
