Pa tur operador di taxi cu tin un “Reglanan di Conducta – Taxi Aeropuerto Internacional Reina Beatrix” (Acuerdo cu Aeropuerto) firma cu Aruba Airport Authority N.V. (AAA) y cu por medio di esaki tin acceso na e asina yama “Taxi Staging Area” y e “Primary Lane” na Aeropuerto e siguiente ta aplica:

• Tur Acuerdo di reglanan di Conducta Taxi cu a wordo firma cu Aeropuerto den pasado of recientemente lo vence dia 31 di augustus 2023.
• Un Acuerdo nobo cu AAA mester wordo registra y acorda digitalmente no mas tarda cu
• 15 di augustus 2023.
• Pa por wordo registra atrobe como operador di taxi segun un Acuerdo cu Aeropuerto pa haci uso di e Taxi Staging area, un version digital di e Acuerdo Reglanan di Conducta Taxi nobo cu Aeropuerto mester wordo completa y acorda.

E version digital ta disponible AKI

Registracion digital lo rekeri cu e siguiente documento nan wordo adhunta digitalmente:

• Permiso di Taxi di e Operador di Taxi valido
• Rijbewijs Valido
• Prueba di Keuring (Keurinsgbewijs) valido
• Prueba di Ministeriele Beschikking
• Pago di impuesto di auto y registracion na Departamento di Impuesto (motorrijtuigbelasting) valido
• Prueba di seguro di auto valido
• Hulpchauffeur bewijs DTP valido
• Rijbewijs di e Hulpchauffeur valido

Si e registracion ta completa y tur documento adhunta ta correcto y valido, un factura di e Quota di Mantencion anual lo wordo crea y manda na e email indica durante registracion. Asina cu e pago basa riba e factura a wordo recibi lo programa e acceso pa e Taxi Staging area y Primary Lane debidamente desde 1 di september 2023.

Pago di e Quota di Mantencion mester wordo haci por medio di transferencia bancario na number di cuenta 0647740490 na Aruba Bank na nomber di Aruba Airport Authority N.V. cu referencia “Quota di Mantencion Taxi {number di taxi} 2023/2024”

Esnan cu no registra digitalmente via e link y adhunta documento nan indica aki riba prome cu 15 di augustus 2023 lo no por wordo garantisa accesso desde 1 di september 2023. Por fabor tuma bon nota di esaki.

Pa cualkier pregunta por manda un email pa [email protected]