World Routes Marketing Award

Aeropuerto di Aruba nomina pa "World Routes Marketing Award 2016"

ORANJESTAD - Siman pasa a drenta e noticia alentador cu Aeropuerto di Aruba ta nomina pa ” World Routes Marketing Award 2016”.  "Di tur aeropuerto na mundo cu ta atende menos di 4 miyon pasahero pa aña, a nomina Aeropuerto Internacional Reina Beatrix pa e premio di miho den mercadeo. Esey riba su mes caba ta yena nos di orguyo", asina Jo-Anne Arends, Air Service Development Manager a duna di conoce. Dia 26 di september proximo lo anuncia e ganado absoluto durante e di “ 22nd World Route Developments Forum 2016” cu ta tuma luga na Chengdu, na China.

Mester menciona cu na Februari ultimo a tuma luga “Routes Americas 2016” na San Juan, Puerto Rico. Eynan a premia rutanan den aviacion di henter e region Americano cu 750 participante compara cu 650 di aña pasa. Aruba tabata nomina pa di 10 biaha den e “Routes Marketing Awards region Americas” den e categoria di aeropuertonan cu ta maneha menos di 4 miyon pasahero. Aeropuerto di Aruba a gana e premio maximo, mientras cu awor e lo competi no solamente den e area aki, sino entre aeropuertonan di henter mundo!

Jo-Anne Arends: "Nos departamento di Air Service Development ta traha duro pa promove nos aeropuerto, den un esfuerso pa atrae mas aerolinea, pa nan bula cu avionnan mas grandi, cu mas capacidad di stoel y cu mas frecuencia. Claro cu tin masha competencia den nos region, pero Aruba por ta orguyoso di tin un aeropuerto asina bon maneha, cu asina tanto di ofrece, riba un isla unda turistanan ta yega cu placer". "Apesar di un competencia fuerte entre e otro aeropueto nan nomina nos ta positivo cu nos esfuerosan durante anja 2016 lo wordo reconosi pa nos “airline partners”. 

Na aña 2015, aeropuerto di Aruba a maneha mas di 2.8 miyon pasahero, cu a encera un crecemento di mas di 14% den cantidad di pasahero compara cu e aña Prome.Pa e aña aki, Aruba Airport Authority N.V. ta premira di lo sigui crece, tanto den cantidad di vuelonan y cantidad di pasaheronan cu ta pasa dor di e terminal.

Click here for a Papiamento version.