ARUBA AIRPORT AUTHORITY N.V.
CONTRATO PA OPERA RIBA TERENO DI AAA CU REGLANAN DI CONDUCTA – TAXI
NA AEROPUERTO INTERNACIONAL REINA BEATRIX ARUBA
ARUBA AIRPORT AUTHORITY N.V.,
un compania existiendo bow di y segun leynan di Aruba y teniendo su localidad principal di negoshi na Aeropuerto Internacional Reina Beatrix na Aruba, referri siguientemente como “AAA”
Y
DOÑO DI TAXI
UNDA, DOÑO DI TAXI y AAA tur dos ta desea di por zorg pa tin un calidad di servicio halto den transportacion dor di taxi na Aeropuerto;
TENIENDO CUENTA CU ESEY, e Reglanan Di Conducta aki, siguientemente referri como “E ACUERDO”, ta wordo sera bow di e siguiente condicionnan:
1. USO DI TAXI STAND Y LUGAR DI ESPERA DI TAXI
Doñonan di Taxi lo para nan vehiculo den areanan designa y areanan di recohe na e caminda primario dilanti terminal na areanan di landside designa pa Taxinan. E areanan di espera pa Taxi ta accesible unicamente pa e doñonan di Taxi atraves di un sistema automatico. Entrada pa y salida di e areanan di espera lo wordo sera cu hefboomnan cu por wordo opera cu e uso di un carchi di aproximacion (acceso) dor di doñonan di Taxi despues di firma di e Reglanan di Conducta aki (e “Acuerdo”). E carchi di aproximacion no ta transferibel. E por wordo pasa unicamente dor di e doño di Taxi pa un “hulp chauffeur” di e Taxi cu aprobacion di AAA, autorisacion cu lo no wordo nenga of wanta pa motibonan irasonable.
E areanan menciona anteriormente ta wordo claramente indica den Bijlage “B”, adhunto. AAA ta mantene e derecho di hasi cambio na e areanan aki. Cualkier cambio lo wordo debidamente comunica dor di AAA na doñonan di Taxi. E secuencia y uso di e area mester wordo palabra entre e taxinan usando e area di parkeo. Cualkier disputa di secuencia di prioridad of orden di secuencia lo wordo dicidi dor di AAA y e decision aki lo ta final. Doñonan di Taxi no lo tin derecho di uso exclusivo di e area di espera/parkeo na AIRB. Areanan di espera di Taxinan y/o lugarnan di parkeo y recohe y baha clientenan por wordo movi dor di AAA.
Doñonan di vehiculo di Taxi registra cu AAA lo tin derecho di drenta y sali di e caminda primario dilanti di e terminalnan na AIRB y camindanan y areanan publico asocia si esaki ta necesario pa yega e area di parkeo y areanan di recohe den e caminda principal dilanti e facilidadnan na AIRB, y manera indica den Bijlage “A” y “B”, adhunto.
Cualkier cambio di e informacion entrega den e proceso di aplicacion mester wordo entrega na AAA y aproba pa e ultimo prome cu implementacion.
2. TERMINO
E termino di e acuerdo aki lo ta pa un tempo indifini. Cada aña di operacion ta cuminsa desde 1 di September y terminando 31 di Augustus di cada aña calendario.
3. QUOTA DI MANTENCION
Doñonan di Taxi lo paga un Quota pa Mantencion anual pa uso di e areanan di espera igual na Afl. 115,00, exclui e impuestonan cu mester wordo paga na comienso di e periodo di e acuerdo aki, No obstante otro fecha di inicioE quota di mantencion aki ta valido pa e termino di e acuerdo. E Quota di Mantencion por wordo ahusta na discrecion absoluto di AAA na cualkier momento durante di e termino di e contract.
4. CONDICIONNAN
- E doño di e Taxi mester cumpli cu tur e reglanan y regulacionnan di AAA, tur leynan y ordenansanan di Aruba, y tur condicionnan y rekerimientonan manera ta poni pa Departamento Transporte Publico (DTP).
- E doñonan di Taxi lo percura pa tin e licencianan valido necesario pa por opera nan negoshi na tur momento. Na tur momento AAA por pidi prueba di esakinan.
- E doñonan di Taxi lo mustra riba nan vehiculo registra bou di e acuerdo aki un sticker di identificacion duna dor di AAA. Unicamente un sticker di identificacion lo wordo duna pa vehiculo. E sticker di identificacion lo keda propiedad di AAA den caso e acuerdo aki termina. En caso di uso di un “hulp chauffeur” e taxi aki lo haña un sticker temporario mara na e periodo aproba pa DTP como hulp chauffeur.
5. ASIGNACION Y ONDERVERHUUR TA PROHIBI
E doño di Taxi lo no asigna, compromete, fia of den otro forma transferi e derechonan y obligacionnan di e acuerdo aki sin aprobacion adelanta di AAA. Den caso cu e doño di Taxi remplasa su vehiculo cu un otro (nobo) vehiculo, e sticker di identificacion y e carchi di acesso di e vehiculo registra lo wordo transferi pa e otro vehiculo dor di un empleado di AAA, despues di notificacion formal di e cambio di vehiculo di e doño di Taxi. AAA lo confirma recibo y regla e transferencia dentro di cuarenta y ocho (48) ora despues di recibo di e notificacion di e doño di Taxi.
6. TERMINACION DOR DI AAA
AAA tin e derecho di termina e acuerdo aki ora un di e siguiente casonan tuma lugar:
- Ora cualkier permiso, licensia of “toestemming” di DTP wordo kita di e doño di Taxi, cu nan mester tin pa duna e servicio di transportacion na aeropuerto;
-
Ora e doño di Taxi no por cumpli cu contenido di e acuerdo aki.
7. TERMINACION DOR DI E DOÑO DI TAXI
Doño di Taxi tin e derecho di termina e acuerdo aki den caso cu AAA faya di cumpli cu cualkier termino, covenant y condicion den e acuerdo aki despues di diez (10) dia desde di notificacion por escrito duna dor di e doño di Taxi na AAA pa drecha e fayo of violacion.
8. NOTIFICACIONNAN
Tur notificacion di y entre e partidonan lo wordo entrega por escrito na e siguiente adres of adresnan manera designa pa e partidonan:
BAYENDO DI ACUERDO CU TUR ESAKI, partidonan a percura pa e acuerdo aki wordo finalisa y registra dor di nan representantenan autorisa.
BIJLAGE “A”
ARUBA AIRPORT AUTHORITY N.V.
REGLANAN Y PROCEDIMIENTO PA TRANSPORTE COMERCIAL DI TERA
- PROVISIONNAN GENERAL
- APLICACIONNAN
Tur persona individual of organizacion cu ta desea di haci servicio di transporte na tera dor di contrata den forma di servicio di Taxi atraves di e caminda primario (dilanti terminal) na AIRB manera describi den Bijlage “B”, mester entrega un formulario di aplicacion yena na AAA (Bijlage “C”).
- STICKERNAN IDENTIFICACION PA VEHICULO Y CARCHI DI ACCESO
Den caso cu un vehiculo wordo reemplaza dor di un otro vehiculo (nobo), e sticker di identificacion y e carchi di acceso di e vehiculo registra oficialmente lo wordo transferi pa e otro vehiculo (nobo) dor di un empleado di AAA, despues di un notificacion formal di cambio di vehiculo dor di e doño di Taxi.
- CAMBIONAN DEN OPERACION
Cualkier cambio di e informacion ricibi durante e proceso di aplicacion mester wordo suministra na AAA y aproba prome cu esaki wordo implementa. Den caso cu esaki no wordo haci esaki por conduci na revocacion di e sticker di identificacion y carchi di acceso y/of terminacion di e acuerdo cu e doño di Taxi.
- REKERIMIENTONAN OPERACIONAL
- CONDUCTA Y APARIENCIA DI E CHOFERNAN
- Chofernan lo atene nan mes na indicacionnan duna dor di AAA;
- Un chofer cu ta den violacion di e procedimientonan aki mester sali inmediatamente di e area di AIRB. Ripiticion di e violacionnan ta suheto na considera e doño/operador den incumplimento di e derechonan cu a dune di acuerdo cu e acuerdo di Reglanan di Conducta;
- Chofer ta prohibi di bende, bay over na distribui of entrega cuminda y bebidanan – of cualkier otro producto of servicio – ariba propiedad di aeropuerto for di den su vehiculo usa pa haci e servicionan di acuerdo na e acuerdo aki;
- Chofer no ta wordo permiti pa bende ningun clase di cuminda y/of bebida ora nan ta ariba e propiedadnan di aeropuerto, tampoco e ta permiti di cumpra cuminda y/of bebida di otro tercera partinan cu no tin un concession pa cu esaki cu AAA ariba propiedadnan di aeropuerto;
- Chofer mester permanence serca di su vehiculo mientras e ta den rij pa servicio (staging) den e caminda primario den area di “staging”;
- Chofernan no mag come of bebe pafor di nan vehiculo parkea (cu excepcion di e area den rij di espera “staging”) tampoco ora di duna servicio na pasaheronan mientras nan ta riba propiedad di AAA;
E areanan designa pa staging mester wordo usa pa busca of laga pasahero of pa warda pasahero. Vehiculonan parkea den e areanan designa ta wordo considera den servicio y disponible pa duna servicio tur ora mientras nan ta parkea. Pasahero por wordo baha den otro areanan banda di e trottoir manera designa pa uso dor di e publico en general y manera describi den Bijlage “B”. Den casonan asina, pasaheronan mester wordo baha lo mas rapido posibel y vehiculo mester move di e area.
- REKERIMIENTONAN DI SEGURIDAD
Doñonan di vehiculonan y operadornan mester cumpli cu tur reglanan y procedimientonan di seguridad na tur momento.
E bijlage aki ta un parti integral di e acuerdo.
Aruba 2022
BIJLAGE “B”
ARUBA AIRPORT AUTHORITY N.V.
PLATTEGROND DI “LAND SIDE” Y E FLUHO DI TRAFICO DEN E CAMINDA PRIMARIO DILANTI DI E FACILIDADNAN DI TERMINAL NA AIRB PA TRANSPORTE COMERCIAL DI TERA
E bijlage aki ta un parti integral di e acuerdo.
Aruba 2022
